Kryetari i Këshillit Kombëtar të Partisë Demokratike, Bujar Nishani deklaroi se kryetari i zgjedhur Lulzim Basha, nuk mund ta përjashtojë Sali Berishën nga grupi parlamentar, pasi nuk ka mekanizmat e nevojshme.
Deklarata e Nishanit u bë mbrëmjen e sotme në emisionin ”Log” në Abc News. Sipas Nishanit, në tetë vitet e qeversjes së kryeministrit Edi Rama, nuk ka patur një dosje me akuzë për Berishën.
Ndër të tjera, Nishani u shpreh se Basha nuk e ka betejën me Berishën, por me Partinë Socialiste.
Bujar Nishani: ”Di këtë që nga dita e parë që Basha ka ardhure në krye të PD ka pasur një diskurs publik që Berisha influencon vendimet e Bashës. Që Berisha i ushtron presione etj… nëse ky diskurs ka dominuar në asnjë rast të vetëm Basha nuk e ka përgënjeshtruar apo pranuar. Pse? Nëse do të isha unë do të flisja. Berishën nuk mund ta largojë Basha sepse s’ka mekanizma. Ai ka votat e shqiptarëve. Nuk parashikon statuti i PD një vendim të tillë.
Nëse do shpikë Basha le ta shpikë. PD është votuar me një listë ku Berisha ka marrë votat e veta. Çdo akuzë që mund t’i bësh Berishës, s’duhet me fakte konkrete. Unë jam për të vendosur debatin mbi bazën e institucionalizimit. Cilido që ka një çështje konkrete për ta akuzuar Berishën ka të drejtën ta bëjë. Unë nuk di sot në tetë vitet e qeverisjes së Ramës të ketë një dosje me akuzë për Berishën. Nëse Basha mendon se betejën e ka me Berishën nuk ma kap dot truri. Betejën e ka me PS.”
