E shtunë, 31 Korrik, 2021
31.5 C
Tirana

Pekini akuzon NATO-n për ekzagjerim të kërcënimit nga Kina

Kina ka akuzuar NATO-n se është duke shpifur për zhvillimin e saj paqësor, pasi liderët e aleancës kanë paralajmëruar për “sfida sistematike” që vijnë nga Pekini.

Veprimet e Kinës, duke përfshirë zgjerimin e arsenalit bërthamor, kërcënojnë “rendin ndërkombëtar të bazuar në rregulla”, ka thënë NATO-ja.

Kjo është hera e parë që NATO-ja ka vendosur Kinën në qendër të agjendës së vet.

Si përgjigje, Kina ka thënë se politika e saj e jashtme ka “natyrë mbrojtëse” dhe i ka bërë thirrje NATO-s që të “shpenzojë më shumë energji në promovimin e dialogut”.

“Synimi ynë për mbrojtje dhe modernizim ushtarak është i arsyetuar, i hapur dhe transparent”, ka thënë misioni i Kinës në Bashkimin Evropian.

Në deklaratën e këtij misioni është thënë se NATO-ja duhet ta shohë zhvillimin e Kinës me një “qasje racionale” dhe “të mos i konsideroj interesat legjitime të Kinës si arsye për manipulim të politikës së bllokut evropian, për përballje dhe nxitje të konkurrencës gjeopolitike”.

Deklarata e NATO-s ka ardhur në fund të samitit njëditor, të mbajtur të hënën në Bruksel.

Ky samit ka qenë i pari për Joe Bidenin si president amerikan.

Megjithatë, aleanca e fuqishme politike dhe ushtarake në mes të 30 shteteve evropiane dhe atyre të Amerikës Veriore e sheh Rusinë si kërcënim kryesor.

Biden pritet të takohet me presidentin rus, Vladimir Putin të mërkurën në Gjenevë.

Pse po fokusohet NATO-ja në Kinë?

Sipas deklaratës përfundimtare të NATO-s, “ambiciet e deklaruara dhe sjellja pohuese e Kinës paraqesin sfida sistematike ndaj rendit ndërkombëtar të bazuar në rregulla dhe në fushat e rëndësishme për sigurinë e aleancës”.

“Ne vazhdojmë të jemi të shqetësuar me mungesën e transparenës dhe shkallën e dezinformimit”, është thënë në deklaratë.

Shefi i NATO-s Jens Stoltenberg u ka thënë gazetarëve se NATO-ja “nuk po hyn në Luftë të Ftohtë dhe Kina nuk është as armiku as kundërshtari ynë”.

“Ne duhet të adresojmë bashkë, si alenacë, sfidat për sigurinë me të cilat përballemi ne nga rritja e ndikimit të Kinës”.

Kina është një prej vendeve me ushtrinë dhe ekonomnë më të zhvilluar në botë.

Partia Komuniste në këtë vend ka ndikim të madh në politikë, përditshmëri dhe pjesën më të madhe të shoqërisë.

NATO-ja ka thënë se shqetësohet për rritjen e kapaciteteve ushtarake të Kinës, të cilat i sheh si kërcënim për sigurinë dhe vlera demokratike të anëtarëve të saj.

Çfarë është NATO?

-Aleanca veriatlantike është aleanca më e fuqishmë e mbrojtjes në botë.

-Është themeluar më 1949, pas Luftës së Dytë Botërore, për të luftuar kërcënimin nga zgjerimi komunist.

-Është krijuar mbi parimin e mbrojtjes së përbashkët mes aleatëve

-Ka pasur fillimisht 12 anëtarë, mirëpo tani ka 30./REL

- Reklama -

Më shumë nga kategoria




Të fundit

Bashkia merr pronësinë e Teatrit/ Budina: Meta dhe Basha të mos heshtin

Aleanca për Mbrojtjen e Teatrit, ka protestuar ndaj vendimit të qeverisë për t’i kaluar truallin e Teatrit Kombëtar në pronësi të Bashkisë së Tiranës. Regjisori...

Lamtumirë doktor!

Nga Dritan Hila Ka kohë që diplomatët amerikanë kanë hequr dorashkat. Jo më larg se dje, ambasadorja e SHBA me një gjuhë cinike iu tha...

Shkelën rregullat kundër Covid, përjashtohen 2 sportistë nga Olimpiada në Tokio

Dy xhudistë të Gjeorgjisë janë përjashtuar nga Lojërat Olimpike Tokio 2020, pasi kanë dalë për shëtitje jashtë Fshatit Olimpik, ka raportuar agjencia japoneze e...

117 milionë euro, Manchester City pranë blerjes rekord

Manchester City është shumë afër goditjes së radhës në merkato. Sipas shtypit anglez, mungon shumë pak për arritjen e marrëveshjes për mesfushorin e Aston Villa-s,...

Koronavirusi/ Profesori grek: Do të krijohen më shumë mutacione ngjitëse

Profesori Theodoros Vasilakopoulos në një intervistë për mediat vendase, foli për rrjedhën e pandemisë në vend dhe procesin e vaksinimit ku thotë se ashtu...