Në zonat e gjelbra, lejohet qarkullimi me automjete private pa nevojë për autorizim, deri në orën 21:00. Ndërsa në zonat e kuqe lejohet qarkullimi me autorizim deri në orën 17:30. Këtë e konfirmon edhe kryeministri Rama në rrjetin e tij social, kur e pyesin nëse mund të lëvizin në Tiranë pa autorizim. Por Rama ia ka prerë shkurt, se kjo është e pamundur që të ndodhë.
14 bashki të tjera i shtohen zonës së gjelbërt, pasi kanë rezultuar me raste minimale të infeksioneve me koronavirus përgjatë ditëve të fundit.
Në këto zona do të lejohen transporti ndërqytetas me automjet privat, ku do të lejohen pjesëtarët e më shumë se dy personave nga e njëjta familje deri në orën 21:00.
Po kështu sot është hapur blloku i tretë i bizneseve, ku ka rikthyer në punë klinikat dentare, parukeritë, berberët dhe dyqanet në qendrat tregtare.
Pavarësisht lehtësismit të masave, Ministria e Shëndetësisë i bën thirrje qytetarëve të respektojnë rregullat e distancimit social.
