Zani Çaushi, kreu i një prej bandave të Vlorës gjatë trazirave të vitit 1997, kërkon lirinë me kusht. Kërkesa po shqyrtohet në Gjykatën e Korçës, pasi Myrteza Çaushi aktualisht po e vuan dënimin e tij në burgun e sigurisë së lartë në Drenovë.
Kërkesa e Çaushit bazohet mbi argumentet e tij se është rahabilituar në burg, dhe fakti se ka fëmijë për të rritur, për të cilët thotë se është i gatshëm të punojë.
Por a do të lirohet Zani Çaushi? Gazetari Artan Hoxha tha në studion e “Abc News”, se banda e tij dhe familja janë shpartalluar nga kundërshtarët, dhe sipas gazetarit, është mister fakti se kush fshihet pas një ngjarje të tillë.
“Nga burgu kanë dalë të gjithë ato që kanë lekë, pasi grupi që kanë jashtë ka bërë lekë dhe kanë blerë gjykatësit.
Por në këtë rast nuk kemi një gjë të tillë, pasi banda dhe familja e Çaushit është shpartalluar.
Për mua, përgjegjës në këtë ngjarje është një dorë e fshehtë që po përpiqet që të ndezë zjarrin.
Ai që po e nxjerr e ka marrë masën se për çfarë po e nxjerr, pasi me atë që ai ka bërë, ai jashtë e ka të pamundur që të jetojë i lirë”, ka thënë gazetari.
