Kreu i PD-së, Lulzim Basha, është treguar mjaft strikt me orarin, ndërsa është shfaqur në Presidencë në orën 09:00, duke iu përgjigjur pozitivisht ftesës së kreut të Shtetit, Ilir Meta, për të diskutuar në lidhje me krizën politike që ka mbërthyer vendin. Nga ana tjetër, Rama përcolli mesazhin qartësisht në rrjetet sociale, se nuk do të shkonte në takim, pasi ishte i angazhuar me fushatën elektorale të 30 qershorit.
Gjithsesi, gjithçka është e pritshme në politikë, ku pjesë e saj janë edhe surprizat. Mbetet për tu parë nëse kryeministri do e “thyejë” premtimin e do shkojë në Presidencë.
Me 17 maj 2017, pas një takimi kokë më kokë, Rama-Basha zgjidhen ngërçin politik, opozita hyri në zgjedhje, ndërsa Rama liroi përkohësisht disa vende ministrash për opozitën, sa të zyrtarizonte mandatin e tij të ri si shumicë.
