Demokrati Klevis Balliu dhe socialisti Taulant Balla e kanë nisur me debat këtë seancë plenare.
Kjo pas kërkesës së kreut të grupit të PS, Taulant Balla, për shtyrjen në seancën e radhës të projektligjit për kreun e Gardës. Balliu tha se kjo çështje nuk duhet të vijë fare në Kuvend, pasi sipas tij po bëhet në mënyrë që Edi Rama të emërojë “njeriun e vet”, pretendime që u hodhën poshtë Nga Balla.
“Sa i përket ndryshimeve për çështjen e projektligjit për Gardën, që është kostum që po i përgatitet një njeriut që ka kryeministri ta bëjë shef të gardës, një projektligj që nuk duhet të shkelë fare në këtë sallë…”, tha Balliu.
“Nuk e kuptova sesi të kërkosh në Komisione më shumë kohë dhe për t’u përgatitur për debat dhe të vish këtu të thuash ndryshe, ky është shembulli tipik i rastit kur nuk dinë se çfarë thonë.
Kam kërkuar shtyrjen për seancën pasardhës, nuk është e vërtetë ajo që u tha. Garda është institucion elitë në grupin e institucioneve të sigurisë në vend. Duhet t’i ofrojmë mbështetjen tonë Gardës së Republikës dhe çdo akuzë dhe shpifje ndaj Gardës është e ulët. Unë i qëndroj propozimit tim që të kalojë për shqyrtim në seancën e datës 23”, tha Balla.
