Ministri i Brendshëm, Bledi Cuçi nuk ka dashur të japë një përgjigje kur u pyet nëse do të dilte në portestë apo jo, po të mos ishte në pozitën e tij, pas vrasjes së Klodian Rashës.
I ftuar në “Open”, Çuçi tha se nuk di të thotë as po e as jo për këtë gjë, por që është plotësisht në mbështetje të protestës.
Por, Çuçi bëri ndasinë me ministrat e tjerë. Ai shtoi se dëshiron të mbetet ai lloj Ministri i Brendshëm që nuk vesh kurrë uniformë dhe nuk vë kurrë kapele.
“Nuk di të them as po e as jo. Nuk mund të jap një përgjigje të prerë. Unë jam një person me një background juridik dhe e di shumë mirë se si funksionon një çështje, por nuk mendoj se nuk është e nevojshme të them unë nëse do të dilja apo jo. Unë jam nga ato ministra dhe shpresoj të mbeten nga ata që nuk do vesh ndonjëherë uniform apo të vendos kapele,”- tha Çuçi.
