Kreu i Grupit Parlamentar të PS-së, Taulant Balla, duke folur nga Kuvendi, ka paralajmëruar se Sali Berisha do të shpallet “non grata” edhe nga Bashkimi Europian. Ai hodhi akuza ndaj Berishës, se ka bërë gjithçka kundër interesave të Shqipërisë.
“Është për turpin e këtij Kuvendi që një “non grata” të shpallur nga SHBA, dhe Britania e Madhe dhe mos u habisni edhe nga BE. Vijon të livadhisi i qetë. Ai përbetim që opozita do të bëjë namin, mesa duket vetëm dasma është lajmi i madh i kësaj”, tha Balla.
Në 19 maj 2021, ambasada e SHBA-së në Shqipëri njoftoi vendimin e sekretarit amerikan të Shtetit, Antony Blinken, për shpalljen e ish-kryeministrit të Shqipërisë, Sali Berisha, si person i papërshtatshëm për të hyrë në SHBA për “veprimet korruptive dhe minim të demokracinë në Shqipëri”.
Pas shpalljes së Berishës “non grata” nga SHBA-ja, ish-kryetari i Partisë Demokratike (PD), Lulzim Basha, vendosi të përjashtojë nga grupi parlamentar i kësaj partie ish-kryeministrin Berisha, vendim që shkaktoi përplasje brenda PD-së, duke krijuar dy grupime brenda saj.
Në korrik të këtj viti, Berisha deklaroi se autoritetet britanike kanë marrë vendimin për moslejimin e hyrjes së tij në Britaninë e Madhe, “për lidhje të qarta me grupe të krimit të organizuar, dhe kriminelë dhe për korrupsion”.
