Gazetari Armand Shkullaku ka paralajmëruar se në të ardhmen do të publikohen edhe të dhëna të tjera sensitive, lidhur me hipotekën dhe legalizimet. Shkullaku tha se publikimi i pagave dhe patronazhistët, janë i njëjti fenomen. I ftuar në emisionin “Opinion” në Tv Klan, gazetari Armand Shkullaku ka paralajmëruar se do të dalin lista të reja, të ngjashme me ato të pagave. Ai tha se shumë shpejt do të ketë publikime të tjera, ku do të ketë lista të legalizimeve dhe të hipotekave.
Armand Shkullaku: Shteti është i imi, AKSHI është imi, si mos t’i përdor partia ime këto të dhëna. Dhe këto të dhëna kanë kaluar, kanë rrjedhur dhe janë përdorur.
Blendi Fevziu: Ka prapë?
Armand Shkullaku: Po sigurisht. Që tek hipotekat, që tek legalizimet…
Artur Zheji: Unë mendoj se kjo është pozitive. Ne duhet të kemi frikë nga gjërat sekrete, jo nga ato që dalin.
Armand Shkullaku: Fevzi a kanë dalë? A dalin këto të dhëna sekrete në një vend normal të NATO-s?
Artur Zheji: Nuk është normale, por kjo është pozitive.
