Vogëlushi Mateo Vasiu, të cilit iu mor jeta në mënyrë makabre nga fqinji i tij, 38-vjeçari Klodian Çalamani, është përcjellë për në banesën e fundit. Banorët të tmerruar e kanë përshkruar autorin si shumë problematik.
Një banor tha për mediat se Çalamani i ka përdhunuar gruan, dhe e ka denoncuar për këtë ngjarje të rëndë, por e kanë liruar.
“Të tëra të këqijat i ka. E kam djalin e mikut tim. Ka qenë problematik, i ka të gjitha moralet e këqija, kurvar, hajdut.
Siç ka qenë i ati është edhe i biri. E kemi përzënë nga shtëpia, e kam çuar dhe në polici. Më ka bërë edhe mua një gjest te shtëpia. Donte të përdhunonte gruan time, ka ndodhur pasi dola nga burgu edhe vetë.
Ai të tëra të këqijat i ka. Nuk thashë unë, më përdhunoi gruan, çfarë do të bëjë më. Një çupë e kapi me disa veta. Ai është kriminel. Ai është kriminel, do varur, ligji ti japë firmat e të gjithë fshatit.
Bridhte me biçikletën e tij, bën vaki që i ka marrë edhe lekë dhe e ka vrarë në bahçe. Aq logjikon. Nuk u dënua për gruan time, sepse nuk kishte shumë që kishte dalë. Unë e denoncova, e rrahën dhe nuk i bënë gjë.
Edhe frikë kemi pasur se ai është njeri i paparë. Duhet varur me sesbën. Mendimi im dhe i tërë fshatit është ky. Mbante edhe thika, hanxharë me vete”, u shpreh ai.
Ngjarja e djeshme ka shokuar opinion publik. Mbarë vendi është shokuar nga ngjarja e rëndë e ndodhur një ditë më parë. Klodian Çalamani, i njohur si shumë problematik në zonë, vrau dhe më pas groposi të miturin në oborrin e banesës së tij, ku jetonte i vetëm.
