Kryedemokrati Basha lëshoi sot një akuzë të fortë, teksa tha se në Kuvend ka kriminelë e anëtarë të krimit të organizuar. Kreu i PD-së u shpreh se të ulur nëpër karriget e Parlamentit ka persona që janë të skeduar nga Policia e Shtetit, dhe autoritetet ligjzbatuese ndërkombëtare, si FBI, Interpol, Europol etj. Në të njëjn kohë, ai apeloi ndaj mazhorancës socialiste, që të miratojë Vettingun në politikë.
“Pirgu i letrave që na keni vënë përpara, është një harxhim kriminal i parave të taksapaguesve të OSBE. Pse? Kjo nuk është gjë tjetër, veçse një koperturë që ju doni të hidhni mbi një Kuvend.
Këtu në Kuvend ka kriminelë, anëtarë të krimit të organizuar në kartelat e Europolit, të FBI, të DEA-s, ka edhe bedelë të organizatave kriminale dhe këtu pas ulet dikush që ka përdorur fyerjet më të rënda. Gjuhën më të ulët që njeh fjalori shqiptar, ndaj zonjave, tash 8 vite pa u hyrë gjemb në këmbë.
Ndaj nëse do kishte proporcionalitet, s’mund të na bëni ju moral. Minimalja është të votoni Vettingun në politikë, deri në atë moment më shumë vlen letra e banjos se sa kjo këtu. Kur të nisni me sanksione, ai këtu s’duhet të vijë më fare me ato që ka nxjerr nga goja. Ndaj matini fjalët, se po vareni si parti e kriminalizuar në palc”, u shpreh Basha.
