Eduard Kuçi dhe Ada u larguan nga “Për’puthen”, pas shkeljeve të rregullave. Produksioni dha verdiktin përfundimtar për ti përjashtuar, pasi ata ishin filmuar teksa darkonin bashkë. Në rrjetet sociale qarkullon një video ku Edi dhe Ada, e cila është me kapuç për të mos u njohur, kanë qenë duke darkuar bashkë në një restorant.
Ndonëse u aludua se mes tyre kishte një lidhje jashtë emisionit dhe se në “Për’puthen” aktronin sikur nuk e dëshironin njëri-tjetrin, Edi ka vendosur të thyejë heshtjen dhe të tregojë se si qëndron e vërteta.
Edi ka folur për marrëdhënien me Adën, në një intervistë për “Prive”. I pyetur nëse me të janë thjesht shokë apo më shumë, Edi tha shkurt: “Shokë”, duke hedhur poshtë të gjitha aludimet se mes tyre ka diçka më tepër.
