Policia ka reaguar në lidhje me vrasjen e oficerit të Krimeve në Komisariatin e Policisë Lezhë, Saimir Hoxha, 44-vjeç.
Ai u vra me armë zjarri paraditen e sotme në Lezhë, gjatë një kontrolli në terren për parandalimin për kultivimin e lëndëve narkotike.
Të njëjtat burime zyrtare shtojnë se sot rreth orës 10:30, në Ishull Lezhë, në rrethana ende të paqarta është qëlluar me armë zjarri në drejtim të grupit të kontrollit të territorit, për parandalimin e kultivimit të bimëve narkotike.
Aty është plagosur me armë zjarri oficeri i Krimeve në Komisariatin e Policisë Lezhë, i cili për pasojë të plagëve të marra, ka ndërruar jetë gjatë rrugës për në spitalin Rajonal Lezhë.
Njoftimi
Rreth orës 10:30, në Ishull Lezhë, në rrethana ende të paqarta është qëlluar me armë zjarri në drejtim të grupit të kontrollit të territorit për parandalimin e kultivimit të bimëve narkotike.
Si pasojë është plagosur me armë zjarri oficeri i Krimeve në Komisariatin e Policisë Lezhë shtetasi S. H., 44 vjeç, i cili për pasojë të plagëve të marra ka ndërruar jetë gjatë rrugës për në spitalin Rajonal Lezhë.
Shërbimet e Policisë kanë rrethuar zonën me qëllim kapjen e autorit.
Në ndihmë të Policisë lokale janë nisur forcat speciale Renea, grupe të FNSH-së dhe një grup i posaçëm hetimor nga Drejtoria e Përgjithshme e Policisë së Shtetit për të bërë të mundur zbardhjen e plotë të rrethanave të ngjarjes, identifikimin dhe kapjen e autorëve.
