Lea Islamaj është 18-vjeçarja e cila rrëmbeu kurorën e më të bukurës e “Miss Shqipëria 2021”. Ajo rrëmbeu votat e jurisë dhe zemrat e publikut që e votuan si vajzën më të bukur shqiptare.
Lea Islamaj ka lindur dhe është rritur në Francë. Pak para finales, Lea u shpreh se ka qenë dëshirë e prindërve të saj që të konkurronte në “Miss Shqipëria”.
Ajo ka thënë se mund të merrte pjesë në “Miss France”, por kishte dëshirë që të konkurronte në vendin e saj të origjinës, e ku me këtë çmim i bëri krenarë prindërit e saj.
Pamela Paja u zgjodh shoqëruese e parë e Miss-it, ndërsa Samanta Pajo u zgjodh shoqëruese e dytë e Miss-it. Mbrëmja magjike e “Miss Shqipëria 2021” u mbajt në kalanë e Petrelës, e organizuar nga regjisori dhe producenti, Petri Bozo.
