Departamenti Amerikan i Shtetit, mbështet hapjen e negociatave për Shqipërinë dhe Maqedoninë e Veriut. Zëdhënësi i DASH, Ned Price, me anë të një reagimi në Twitter shkruan se SHBA pret që negociatat për Shqipërinë dhe Maqedoninë e Veriut të hapen sa më parë. Diplomati shpreh angazhimin dhe mbështetjen e qeverisë amerikane për integrimin e dy shteteve.
“Ne mbështesim hapjen e negociatave të pranimit në BE me Maqedoninë e Veriut dhe Shqipërinë pa vonesë. Ne jemi duke u angazhuar në nivelet më të larta të qeverisë, për të demonstruar përkushtimin tonë në rrugët evropiane të aspirantëve”, shkruan Price në Twitter.
