E shtunë, 12 Qershor, 2021
27.5 C
Tirana

Përse vetëm disa ndjejnë efekte anësore nga vaksina

Efektet anësore të vaksinës, si dhimbje koke, këputje apo temperaturë janë shenja të reagimit të sistemit imunitar dhe ndeshen rëndom gjatë imunizimeve.

“Një ditë pas vaksinimit nuk duhet të planifikoni aktivitete të rënda fizike,” thotë Dr. Peter Marks, shefi për vaksinat pranë Administratës amerikane për Ushqimin dhe Barnat, i cili thotë se edhe vetë ndjeu këputje pasi bëri dozën e parë.

Ja çfarë ndodh: Sistemi imunitar vepron me dy pista, njëra aktivizohet në momentin kur organizmi dikton një objekt të huaj në trup. Qelizat e bardha mobilizohen në atë pjesë të trupit ku ka ndërhyrë “armiku” duke shkaktuar enjtje gjë që shoqërohet edhe me ethe, dhimbje të lokalizuar dhe këputje.

Kjo përgjigje e shpejtë e sistemit imunitar dobësohet me kalimin e viteve. Për këtë arsye të rinjtë ndjejnë efekte më të forta anësore se sa të rriturit. Po ashtu, disa vaksina shkaktojnë reaksion më të fortë.

Por, çdokush reagon ndryshe. Nëse një apo dy ditë pas vaksinimit nuk ndjeni efekte anësore, mos mendoni se vaksina nuk po funksionon.

Edhe pa u ndjerë, vaksinat vënë në veprim pistën e dytë të sistemit imunitar, e cila ofron mbrojtjen e vërtetë duke prodhuar antitrupa.

Një tjetër efekt anësor i bezdisshëm vërehet kur ënjten nyjet limfatike, si për shembull gjendrat nën krahë. Grave u këshillohet të bëjnë një mamografi para vaksinës së COVID-it në mënyrë që gjendrat e enjtura të mos diagnostikohen gabimisht si kancer.

Jo të gjitha efektet anësore janë normale. Pas administrimit të qindra miliona dozash në mbarë botën dhe pas ndjekjes me vëmendje të reagimit të të vaksinuarve, një përqindje e vogël e atyre që bënë vaksinën AstraZeneca apo Johnson & Johnson raportuan mpiksje gjaku. Por autoritetet shëndetësore thonë se përfitimet nga vaksina i tejkalojnë disafish rreziqet.

Lexo edhe :   Origjina e koronavirusit, dy janë teoritë që po studiohen

Disa individë kanë pësuar reaksion të rëndë alergjik. Për këtë arsye, pas vaksinimit, të gjithë duhet të presin në klinikë për 15 minuta për të garantuar se nuk do të kenë reaksion.

Lexo edhe :   Pas Pireut, porti i Selanikut do të menaxhohet nga rusët, çfarë do të bëjë SHBA

Autoritetet po përpiqen të zbulojnë nëse enjtja e përkohëshme e indit të zemrës që ndodh gjatë disa formave të infeksionit, mund të jetë efekt anësor i vaksinave që përdorin kodin gjenetik RNA, si Pfizer dhe Moderna. Zyrtarët amerikanë të shëndetësisë ende nuk e dinë nëse ka lidhje mes tyre, prandaj po ndjekin të dhënat sidomos për reagimin e adoleshentëve dhe të rinjve./VOA

- Reklama -

Më shumë nga kategoria




Të fundit

Uells-Zvicër/ Pjesa e parë pa gola, portierët vendimtarë me pritjet e tyre

Ka përfunduar me rrjeta të paprekura, pjesa e parë e ndjeshjes midis Zvicrës dhe Uellsit. Një 45 minutësh ku spektakël dhuruan portierët e skuadrave...

Vrasja e 20-vjeçares në Greqi, zbulohet makina me të cilën janë larguar autorët

Zbardhen detaje të reja në lidhje me vrasjen e 20-vjeçare britanike Caroline, e ndodhur pak javë më parë në Greqi. Në emisionin e gazetarit grek...

Fati i kryetarit të PD-së, 3 kandidatët që do të sfidojnë Lulzim Bashën

Nga: Marsela Sinani Lulzim Basha 47 vjeç, Fatbardh Kadilli 55 vjeç, Edith Harxhi 48 vjeçe dhe Agron Shehaj 44 vjeç, aderojnë në të njëjtën parti,...

Salianji: Gruevski si Rama mori mandat të tretë, por ra brenda një viti

Deputeti i zgjedhur i Partisë Demokratike, Ervin Salianji ka bërë një paralelizëm të situatës aktuale politike në Shqipëri, të asaj para disa viteve në...

Kosovë: Një viktimë dhe 17 raste të reja me Covid-19

Instituti Kombëtar i Shëndetësisë Publike në Kosovë (IKSHPK) ka regjistruar më 12 qershor një rast të vdekjes nga koronavirusi. Viktima është nga Prizreni. Sipas njoftimit...