Mbrëmjen e sotme, kanë mbërritur në aeroportin ”Nënë Tereza”, 11.700 vaksina kundër koronavirusit, të prodhuar nga kompania Pfizer. Lajmin e ka bërë të ditur kryeministri Edi Rama përmes një postimi në rrjetet sociale.
Deri më tani, në vendin tonë kanë mbërritur mbi 911 mijë vaksina anti-covid.
”Aeroporti “Nënë Tereza” – Edhe 11,700 vaksina Pfizer sapo kanë mbërritur në Shqipëri, duke kaluar mbi 911 mijë sasinë e vaksinave të mbërritura deri tani, për të vijuar pa u ndalur me programin kombëtar të vaksinimit”, shkruan Rama në rrjetin social, Facebook.
Situata epidemiologjike në vendin tonë vijon të përmirësohet nga dita në ditë. Në 24 orët e fundit, janë regjistruar 5 raste të reja me Covid-19, nga 2.013 testime të kryera.
Një 63-vjeçare nga Saranda nuk ka arritur ta fitojë betejën me virusin e rrezikshëm, po në 24 orëshin paraprak. Ndërkohë, janë shëruar edhe 35 pacientë, teksa raste aktive mbeten 296.
