Në një seancë të jashtëzakonshme, parlamenti ka miratuar ndryshimet në qeveri të propozuara nga kryeministri Edi Rama dhe të dekretuara nga Presidenti i Republikës, Ilir Meta.
Rama zyrtarisht nga sot nuk do të jetë më në rolin e dytë si Ministër për Evropën dhe Punët e Jashtme, pasi vendin e tij do e ketë Olta Xhaçka, e cila la postin e Ministres të Mbrojtjes.
Në këtë të fundit, është emëruar Niko Peleshi i cili më parë ka qenë zv.kryeministër dhe Ministër i Bujqësisë.
Ndryshimet në qeveri erdhën pas dorëheqjes së Gent Cakajt.
Rezultati
Shkarkimi i Ramës si Ministër i Jashtëm: 95 pro, 2 kundër, 2 abstenim.
Shkarkimi i Xhaçkës si Ministre e Mbrojtjes: 95 pro, 3 kundër, 1 abstenim.
Emërimi i Xhaçkës si Ministre e Jashtme: 94 pro, 4 kundër, 1 abstenim.
Emërimi i Peleshit si Ministër i Mbrojtjes: 94 pro, 3 kundër, 3 abstenim.
