Efektivët e FNSH-së kanë dhunuar një protestues i cili ndodhej përballë kryeministrisë. Siç shihet edhe në pamje, ai është i mbuluar në gjak tek koka, për shkak të dhunës dhe goditjeve që ka marrë.
Ndërkohë, disa efektivë e kanë rrethuar të dhunuarin dhe e mbajnë nga krahët, për ta shoqëruar në rajonin e policisë.
Dita e dytë e protestës për vrasjen e 25-vjeçarit, Klodian Rasha u shoqërua me dhunë dhe përplasje midis protestuesve dhe forcave të policisë.
Kjo detyroi Ministrin e Brendshëm, Sandër Lleshajn që të japë dorëheqjen e parevokueshme nga posti.
Klodian Rasha u ekzekutua këtë të martë, më 8 dhjetor. Ngjarja ka ndodhur në zonën e Laprakës në kryeqytet, pasi i riu kishte dalë orët e para të mëngjesit jashtë banesës së tij, duke thyer orën policore.
Policia shprehet se Rasha ka kërcënuar efektivin e policisë, ndaj ai ka qëlluar në kushtet e vetëmbrojtjes dhe në errësirë. Por, ndryshe thonë familjarët dhe fqinjët të cilët shprehen se rruga është me ndriçim dhe i riu nuk mbante asnjëherë armë me vete.
