Britania e Madhe rikthen sistemin e vizave, si një masë kundër migracionit në territorin e saj. Këto masa të forta do të hyjnë në fuqi duke nisur prej 1 janarit të vitit që vjen.
Sikurse njoftoi Ministria e Brendshme britanike, dallim nuk do të bëjnë as shtetasit e vendeve të Bashkimit Europian.
I gjithë sistemi bazohet në pikëzim. Secili qytetar që dëshiron të shkojë për të punuar në Britani, duhet të aplikojë në një sistem online për t’u miratuar më parë.
Aplikuesi në fjalë duhet të jetë në gjendje të sigurojë një ofertë punësimi me një pagë minimale vjetore, prej më shumë se 2000 eurosh në muaj.
Qeveria e Boris Johnson ka përsëritur se ”sistemi do të jetë i thjeshtë dhe fleksibël”, por sido që të jetë, bëhet fjalë për një shtrëngim të emigracionit.
