Deklarata e Albana Osmanit për kolegen e saj Arbana Osmani, shkaktoi jo pak bujë në emisionin “Shiko kush luan”.
E gjendur përballë lojës së famshme “Paintball”, Albana teksa shënjestroi Arbanën, tha se nuk ka patur kurrë miqësi mes tyre, duke shtuar se asnjëherë nuk e ka kuptuar arsyen përse.
“S’ka pas kurrë miqësi, dhe nuk e kam kuptuar asnjëherë pse, por… Ndoshta ngaqë jam pak më e gjatë edhe i shoh gjërat pak më nga lart”, tha ajo. Gjatë kohës kur Arbana prezantonte “Big brother”, Albana ka qenë prezantuese e “Big Brother Fan Club”, por si duket as kjo nuk ka ndikuar në shoqërinë e tyre. Ato nuk e ndjekin njëra-tjetrën as në Instagram.
