Ekspertja e Institutit të Shëndetit Publik, Eugena Tomini, duke analizuar situatën në vend, foli edhe nëse mund të rrezikojmë sërish karantinën.
Ajo tha në rubrikën “Opinion”, në News24, se do të merren e të analizohen të gjithë opsionet e mundshme për minimizimin e virusit.
Sipas saj, izolimi mbetet opsioni i fundit. Ajo çfarë mbetet me rëndësi në këtë betejë është fluksi i të infektuarve. Nëse ezaurohen shtrimet në spitale, autoritet shëndetësore do jenë të detyruar që të ndërmarrin hapa të tjerë.
A do mbërrijë Shqipëria në karantinë të dytë?
Sigurisht që merren të gjithë opsionet e mundshme për minimizimin e virusit. Karantina dha efekte shëndetësore, psikologjike, ekonomike.
Mbetet një opsion i fundit. Do të ezaurohen të gjitha opsionet e tjera më parë, dhe në fund do të shihet. Do të shihet ezaurimi i spitaleve dhe rritja e numrit, të cilët do të na detyrojnë për hapa të mëtejshëm.
