Një pallat në Durrës i cili nga ekspertët është klasifikuar i pabanueshëm, pasi është spostuar gjatë tërmetit të nëntorit 2019, pritet që të prishet me shpërthim të kontrolluar.
Inspektorati Kombëtar i Mbrojtjes së Territorit, njofton se do të prishë sot pasdite, me shpërthim të kontrolluar një objekt (pallat) 14 katësh në Durrës.
Për realizimin e shpërthimit, janë hapur në trupin e objektit 5 mijë furnela (vrima), dhe do të përdoren 130 kilogramë lëndë eksplozive.
Njoftimi
IKMT 130 kg eksploziv për prishjen e pallatit 14 katësh në Durrës
Inspektorati Kombëtar i Mbrojtjes së Territorit do të prishë sot pasdite, me shpërthim të kontrolluar një objekt (pallat) 14 katësh në Durrës, i cili u spostua gjatë tërmetit te nëntorit te kaluar dhe nga ekspertët u klasifikua i pabanueshëm. Për realizimin e shpërthimit, janë hapur në trupin e objektit 5 mijë furnela (vrima) dhe do të përdoren 130 kilogramë lëndë eksplozive. Vetëm pak ditë më parë, për dobësimin e strukturës së këtij pallati, IKMT kreu shpërthime të brëndshme. Deri tani vetëm në Durrës, janë prishur rreth 100 objekte të dëmtuara nga tërmeti.
