Rama “i pret në besë mjekët”, nuk i takon në kryeministri

Një grup prej 4 mjekësh janë pritur në kryeministri por jo nga kreu i qeverisë Rama, siç ishte lajmëruar një ditë më parë.

Ata u pritën në taklim nga ministrja e Shëndetësisë Ogerta Manastirliu, si dhe drejtori i QSUT, Enkel Joti.

Mjekët paralajmëruan për sot në orën 10:00 në QSUT, edhe pse policia nuk u dha leje.

Kjo për shkak se tubimet dhe grumbullimet në kohë pandemie janë të ndaluara pasi shndërrohen në rrezik të përhapjes së Covid-19.

Çfarë kërkojnë mjekët:

1. Të shpallen dëshmorë të kombit të gjithë ata pjesëtarë të personelit shëndetësor të cilët humbin jetën në këtë luftë me këtë armik të padukshëm.
2. Të bëhet sigurimi i jetës së personelit shëndetësor, me qëllim që familjet e tyre të mund të vazhdojnë jetën dhe pas fatkeqësive të mundshme në këtë luftë.
3. Rritje e vlerësueshme e trajtimit financiar të personelit shëndetësor.
4. Personelit shëndetësor të çdo niveli t’i sigurohen të gjitha kushtet në punë për parandalimin e infeksionit sipas të gjithave standarteve kombëtare dhe ndërkombëtare.