Analisti Fatos Lubonja, për revistën e njohur franceze “Le Courrier Des Balkans” u shpreh se Shqipëria po ecën në drejtimin e gabuar, drejt regjimit autoritar.
Ai theksoi se vetë Perëndimi nuk ka arritur në “fundin e historisë” sepse vazhdon të ecë përpara, për të ndryshuar:
“Ribashkimi i vendeve të Ballkanit Perëndimor me BE-në ishte një skenar frymëzues, por i bazuar në dy konceptime të thjeshta të kohës.
Njëra u frymëzua nga teoria e “mbarimit të historisë” në Perëndim, sipas veprës së Francis Fukuyama, tjetra nga ajo e “përplasjes së qytetërimeve”, sipas Samuel Huntington, i cili evokon “Vende të ndara” si Turqia ku elitat janë me mendje perëndimore, por popullata me mendje Lindore.
Për Samuel Huntington, elitat pro-perëndimore në Ballkan kanë për detyrë ta çojnë popullin e tyre drejt “Tokës së Premtuar” të Perëndimit, duke arritur kështu qëllimin përfundimtar të historisë, siç e sheh Françesk Fukuyama.
Vetë Perëndimi nuk ka arritur në “fundin e historisë” sepse vazhdon të ecë përpara, për të ndryshuar.
Këtë e tregojnë lëvizjet sovraniste, Brexit dhe fakti që tani po flasim për “post-demokracinë”. Në vende si e jona, pas gati 30 vjetësh “tranzicioni”, nuk mund të flitet më për “përparim në drejtimin e duhur”, por në drejtim të gabuar, drejt vendosjes së regjimeve autoritare.
Pyetja e vërtetë është pse Perëndimi apo burokratët evropianë vazhdojnë të na thonë se ne kemi bërë përparime të mira, por që ende duhet të shkojmë më tej.
Pse ata kthehen gjithmonë në këtë skenar të tranzicionit dhe një evolucion linear?”
