Greqia nuk ka regjistruar asnjë viktimë nga koronavirusi në 24 orët e fundit.
Sipas Worldometers, vendi fqinj ka shënuar vetëm 34 raste të reja me COVID-19. Deri më tani, në Greqi kanë humbur jetën 202 persona si pasojë e këtij virusi dhe janë regjistruar 4,227 raste infektimi.
Nga këto janë shëruar 1,374 raste, ndërsa 2,651 raste janë ende aktive. Mësohet se nëntë prej pacientëve që janë shtruar në spital, ndodhen në gjendje të rëndë për jetën.
Më shumë se 16.5 milionë persona nga e gjithë bota janë prekur nga koronavirusi, ndërsa mbi 654 mijë persona kanë humbur jetën.
Deri më tani, mbi 10 milionë njerëz në të gjithë botën kanë arritur ta mposhtin virusin.
