E enjte, 21 Janar, 2021
10 C
Tirana

“Ndryshimet kushtetuese janë një grusht shteti”, Shehu: Të ndalohen menjëherë

Ish-deputeti i PD-së, Tritan Shehu, ka komentuar situatën e krijuar nga ndryshimet kushtetuese për hapjen e listave të kandidatëve për deputetë.

Në një intervistë për A2, Shehu deklaroi se ndryshimet kushtetuese në këtë moment synojnë ta çojnë vendin në një autokraci të fortë.

Sipas tij, këto ndryshime kushtetuese janë një grusht shteti dhe duhet të ndalohen menjëherë.

“Unë mendoj se problemi nuk shtrohet duhen hapur apo jo listat. Problemi është se e gjithë kjo lojë që po bëhet nga PS është jo korrekte, e rrezikshme. Të kërkosh në këto momente të ndërrosh kushtetutën kur nuk ke gjykatë Kushtetuese është një vepër që bie ndesh me demokracinë. Të kërkosh të shkelësh marrëveshjen që sapo e ke firmosur.

Zëri i shqiptarëve që manifestohet nga forcat politike nuk respektohet dhe kërkohet të ngushtohet nga disa zëra të vetëm. Ajo që kërkon Rama lidhet me mosdëgjimin e zërit të shqiptarëve. Rama ka frikë nga dëgjimi masiv i zërit të shqiptarëve.

Çdo prekje e Kushtetutës është një akt madhor dhe nuk preket sa herë duam ne. Nuk është vetëm koha e shkurtër, por edhe mungesa e instrumenteve më të rëndësishme, gjykata Kushtetuese dhe parlamenti i cunguar që nuk ka të drejtë të prekë Kushtetutën. Kjo është gjëja më antidemokratike që mund të ekzistojë. Kjo synon ta çojë Shqipërinë nesër në një autokraci të fortë, që na largon nga rruga jonë drejt BE-së.

Unë e shikoj me shumë shqetësim këtë situatë, pasi po shkon në drejtim të antidemokracisë dhe nuk dihet se ku do të shkojmë.

E ardhmja nuk është shumë optimiste, duhet të bllokohet menjëherë ky grusht shteti, i cili ka ndodhur edhe në vende të tjera lindore. Duhet të jemi shumë të qartë për këtë, janë në lojë fatet e demokracisë shqiptare”, tha ai.

- Reklama -

Më shumë nga kategoria




Të fundit

Covid/ Manastirliu tregon se kur do të kryhet vaksinimi i të gjithë popullatës

Ministrja e Shëndetësisë, Ogerta Manastirliu, tha në emisionin “Opinion” se ekzistojnë tre skenarë për vaksinimin e të gjithë popullatës me vaksinën ndaj COVID- 19. Sipas...

“Berisha fshehu provat, Rama zhgënjeu”, Hoxha: 21 janari, krim shtetëror

Gazetari Artan Hoxha, ditën e sotme ka folur sërish në lidhje me ngjarjen e 21 janarit të 10 viteve më parë, ku të vrarë...

Sali Berisha kujton 21 janarin e vitit 2011: Ja pse qëlloi garda

Ish-kryeministri Sali Berisha ka dhënë versionin e tij të ngjarjes së 21 janarit 2011, ku pas protestave të dhunshme para kryeministrisë mbeten të vrarë...

Twitter bllokon llogarinë e Ambasadës së Kinës në SHBA

Kompania Twitter ka bllokuar llogarinë e Ambasadës së Kinës në SHBA, pasi kishte postuar përmbajtje që mbronte politikat e Kinës në rajonin Ksinjiangut. Vendimi i...

Të gjitha faktet përse SPAK duhet të thërrasë Berishën për 21 Janarin

Të parin që pashë duke u rrëzuar në tokë, edhe pse nuk qenkësh i vrari i parë, ishte Hekuran Deda, i cili u rrëzua...