Një 74-vjeçar i shtruar prej ditësh në Spitalin Infektiv, nuk ia ka dalë dot mbanë me betejën me COVID-19. I moshuari prej ditësh ishte shtruar në spital, dhe mbrëmjen e djeshme ka ndërruar jetë.
I moshuari kishte disa ditë që ishte në terapi intensive, dhe gjendja e tij ishte rënduar. Po ashtu burimet bëjnë me dije se ai ka pasur dhe sëmundje të tjera bashkëshoqëruese.
74-vjeçari bëhet viktima e 129 nga COVID-19, por ende Ministria e Shëndetësisë nuk ka një njoftim zyrtar për vdekjen e tij.
Dita e djeshme shënoi edhe numrin më të lartë të vdekjeve ditore. Ministria e Shëndetësisë njoftoi se 5 persona e kishin humbur betejën me COVID-19.
“Nuk e kanë fituar dot betejën në spitalin COVID-1 një 45 vjeçar nga Tirana pa sëmundje të tjera, një 64 vjeçar nga Tirana dhe një 68 vjeçare nga Pogradeci. Një 45 vjeçare nga Kruja pa sëmundje të tjera dhe një 77 vjeçar nga Tirana me sëmundje bashkëshoqëruese nuk kanë mundur të mbijetojnë në spitalin COVID-2”.
Aktualisht në Spitalin Infektiv dhe Spitalin “Shefqet Ndroqi” po trajtohen 124 pacientë, 21 janë në terapi intensive dhe 11 pacientë janë të intubuar.
