Nga Lezha ku mori pjesë së bashku me ministrin Klosi në një aktivitet për turizmin, ambasadorja e SHBA, Yuri Kim, ka thënë se Amerika është në krah të Shqipërisë. Në fjalën e saj, ambasadorja deklaroi se ky vit është më ndryshe, për shkak të situatës nga koronavirusi, e sipas saj, Shqipëria ka hedhur hapa të sigurtë në këtë drejtim.
“Kam dëgjuar nga ministri që ju jeni vullnetarët e parë që mirëprisni turistët në Shqipëri. Ky vit është paksa ndryshe për shkak të koronavirusit, por e shoh si keni bërë përshtatjen në bazë të situatës.
Në vend që të bëni një mënyrë për të mos e vazhduar, ju keni gjetur një mënyrë tepër të mirë për të vijuar projektin tuaj. Kam 6 muaj në Shqipëri, dhe kam vizituar shumë zona të bukura, Berat, Vlorë, Sarandë, Krujë.
Jam e kënaqur që jam këtu sot, që të dëshmoj bukurinë natyrore të Shqipërisë, sepse është një thesar, jo vetëm për Shqipërinë, por për të gjithë botën. Mbrojtja e mjedisit fillon me pastrimin e tij, dhe jam e kënaqur që kujdesemi për mbeturinat që të tjerët mund të krijojnë.
Në momentin që unë mbledh mbeturinat që unë krijoj, është akt përgjegjshmërie nga ana ime, por në fakt nëse unë merrem me mbledhjen e mbeturinave të krijuara nga të tjerët tregon zgjuarsi dhe zgjidhje. Mund të jeni në dijeni që SHBA ka dhënë 1.8 mln dollarë për industrinë e turizmit, për mjedisin.
Gjithashtu do të jem po aq krenare që të sigurohem që SHBA të qëndrojë krah jush. Gjithashtu pres me kënaqësi që të përveshim mëngët bashkë me ju, që u jepni zgjidhje problemeve, personave të mençur që duan ta pastrojnë Shqipërinë”, tha ajo.
