Deputetja Rudina Hajdari u shpreh se ishte e pranishme në këtë mbledhje të radhës të Këshillit Politik për t’i kërkuar edhe një herë PD që të mbështesë ndryshimet kushtetuese.\
Në një prononcim për mediat, Hajdari bëri thirrje që të mbështeten listat e hapura, pasi sipas saj ato do t’i fuqizojnë me shumë qytetarët shqiptarë.
“Nuk kam reshtur pa takuar qytetarë, për të marrë mbështetje për listat e hapura që kemi 1 vit që luftojmë. Ata me thonë mos u tërhiq, ec përpara…Unë erdha me këtë synim në Këshillin Politik, duke e shtruar këtë kërkesë për PD, të mbështesë ndryshimet kushtetuese, dua t’i mbështesin, se çdo demokrat e do që të vinë njerëz që do përfaqësojnë popullin.
U bëj thirrje të gjithëve të bashkohen e të mbështesin listat e hapura. Kështu mbështet ndryshimi në Kuvend. Aty do miratohen ligje që kanë të bëjë me rritje pagesash për qytetarët, rritje të cilësisë në arsim… listat e hapura do ta fuqizojnë qytetarët shqiptarë. Nuk ka njeri që ta ndalë këtë furtunë ndryshimi. Nuk përtova sot të vija këtu, është e rëndësishme që të kemi konsensus të gjerë politik..Listat e hapura, realiteti i ardhshëm në zgjedhjet e ardhshme”, tha ajo.
