Si rrallë herë, kryeministri e nisi ditën sot duke përcjellë një mesazh me mjaft rëndësi, por të shoqëruar me foton e tij.
“MIRËMËNGJES ?
dhe duke ju kujtuar të mos harroni maskën në mjediset e mbyllura, ju uroj një të premte të mbarë ?”, shkruante ai.
Dje, gjatë inspektimit në ujësjellësin e Bovillës me kryebashkiakun Veliaj, Rama ka mbajtur maskën gjatë gjithë kohës, jo vetëm në ambiente të mbyllura, por edhe në ato të hapura.
Po kështu në Kuvend, ai këshilloi disa prej deputetëve, që me sa duket nuk e kishin marrë shumë seriozisht urdhrin e ri të qeverisë për të vendosur maskën në ambiente të mbyllura.
Ministrja e Shëndetësisë, Ogerta Manastirliu, njoftoi dy ditë më parë aktin e ri normativ të qeverisë, ku maska bëhet e detyrueshme në ambjentet e mbyllura. Manastirliu paralajmëroi gjoba, për të gjithë ata që nuk zbatojnë këtë akt normativ. Shkelësit do të gjobiten me 2 mijë lekë të reja.
