Ish-deputeti i Partisë Demokratike, Bardh Spahia, ka denoncuar mungesën e tamponëve në spitalin e Shkodrës. Ai i është drejtuar Ministres së Shëndetësisë, Ogerta Manastirliu, se Shkodra është lënë në harresë, ku aktualisht janë në gjendje vetëm 5 tamponë.
Mjaft i shqetësuar për kurbën në rritje të të infektuave, Spahia i është drejtuar ministres se në këtë formë, po rrisni zinxhirin e infeksionit.
Teksa situata po agravohet çdo ditë, ish-deputeti ripërsërit shqetësimin e qytetarëve që duan të bëjnë testin.
Këtu i referohet edhe denoncimeve të shumta nga personeli shëndetësor, se nuk u bëhen tamponë kur i kërkojnë.
Statusi
OGERTA, VETEM 5 TAMPONE GJENDJE PER SHKODREN ?????
Rasti i infermieres së patologjisë në spitalin rajonal të Shkodrës, po zbulon gënjeshtrën e madhe të Ogertës, e cila thotë se ka mjaftueshëm teste në dispozicion për rastet e dyshuara me Covid-19. Nëse keni siguruar furnizime testesh, atëherë si ka mundësi që cdo ditë ka denoncime nga personeli shëndetësor se nuk u bëhen tamponë kur i kërkojnë? Si ka mundësi p.sh. që infermieres së patologjisë së Shkodrës, që vijon të ketë simptoma, i thuhet se nuk do i bëhet dot tampon, pasi Shkodra e ka racionin vetëm 5 të tillë????
Si ka mundësi që puna vijon normalisht për kolegët e saj e askush nuk merr mundimin t’i testojë, ndërsa cdo ditë presin e përcjellin pacientë?
A e kuptoni zonja ministre se po e rrisni vetë zinxhirin e infeksionit në këtë mënyrë?
Nëse keni teste sic thoni, pse nuk rrisni numrin e testimeve, kur ka situata të tilla cdo ditë në spitale e qendra shëndetësore? Vërtetë mendoni se mund të fshihet me heshtje kjo situatë që agravohet cdo ditë? Si mund të mos veproni, kur virusi po bëhet zot pikërisht në vijën e parë të kësaj sfide????
