Nënë e bijë të cilat u vëtëflijuan, do të përcillen sot për në banesën e fundit, në varrezat e Përmetit. Zhaneta dhe Anisa Josifi, do të nisen nga Tirana për në Përmet në orën 12:00, ku edhe do të zhvillohet edhe ceremonia mortore.
Trupat e tyre do të prehen pranë kryefamiljarit të familjes, Llukmanit, i cili disa vite më parë gjithashtu kishte vrarë veten. E mbijetuara e vetme e familjes, Blerta është transferuar tek reparti i psikiatrisë. E reja, e cila tashmë ndodhet në urgjencën e spitalit psikiatrik Nr.5, ka dëshmuar se së bashku me nënën kishin 40 ditë që nuk ushqeheshin. Të trija gratë besonin tek Ringjallja dhe ishin praktikante të sektit të “Dëshmitarëve të Jehovait”, por nuk ishin të regjistruara.
Ngjarja makabre mori përmasa të mëdha, e ndërsa ka bërë xhiron edhe në mediat e huaja. Në rrethana që ende nuk dihen kishte ndërruar jetë Anisa. Nënë e bijë e mbanin prej rreth 15 muajsh në shtëpi, duke e lyer me vaj e uthull, ndërkohë që ishin në pritje të “ringjalljes së saj”.
Ndërsa Zhaneta dhe Blerta, vendosën që të mos ushqeheshin, duke u sakrifikuar sipas tyre, për të “sunduar me Krishtin”. Ka qenë një prej vëllezërve të Zhanetës, i cili ka njoftuar policinë.
