Në bllokun nr. 2 të qytetit të Maliqit, një e moshuar është gjetur e pajetë në banesën e saj.
Fqinjët njoftuan policinë pasi prej disa kohësh nuk e kishin parë dhe nuk merrnin përgjigje nga ajo.
Shërbimi zjarrfikës i bashkisë Maliq ka hapur derën e banesës, ku u konstatuan kushtet e viktimës.
Mendohet se e moshuara ka ndërruar jetë të paktën dy javë më parë. Policia po heton për të zbardhur rrethanat e ngjarjes.
