Tamponët që tregojnë nëse je prekur apo jo nga koronavirusi do të zhvillohen tashmë edhe në laboratorin e mikrobiologjisë, në Qendrën Spitalore Universitare.
Por në këtë laborator do të kenë mundësi të kryejnë tamponin vetëm pacientët që duhet të lënë ambientet e QSUT-së. Kjo, për të të parandaluar një përhapje të mundshme të virusit, i cili ka shfaqur shumë raste edhe në QSUT.
Po kështu tamponin në laboratorin e QSUT do ta kryejnë edhe pacientët e prekur nga koronavirusi, por që duhet të lënë ambientet e Shërbimit Infektiv.
Kujtojmë se deri më tani tamponët janë kryer vetëm në laboratorin e Institutit të Shëndetit Publik (ISHP).
