Një 34-vjeçar ka rënë në prangat e policisë, pasi akuzohet se për vjedhje me armë të një banese.
Shtetasi me iniciale V.S., nga Kukësi në bashkëpunim me persona të tjerë ( të cilët janë arrestuar më parë), kanë vjedhur nën kërcënimin e armës, një shumë parash në fshatin Grykë Nokë, Dibër. Ngjarja në fjalë është regjistruar në tetor të vitit 2019.
Në atë kohë policia arrestoi 3 persona përgjegjës për këtë vjedhje, ndërsa shpalli në kërkim 34-vjeçarin i cili u arrestua sot.
Njoftimi i policisë:
Dibër
Vijon operacioni policor “Shumbati”.
Shkon në katër numri i të arrestuarve për vjedhjen me armë të një shume parash në një banesë.
Kapet autori i katërt i vjedhjes me armë të një shume parash në fshatin Grykë Nokë, Dibër (ngjarje e ndodhur tetor 2019).
Strukturat e Policisë së Dibrës, në vijim të punës për zbardhjen e ngjarjeve të ndodhura më parë, vënien para përgjegjësisë ligjore të autorëve të veprave penale, si dhe kapjen e personave të shpallur në kërkim, mbi bazën e informacioneve të marra në rrugë operative, kanë bërë të mundur kapjen e shtetasit të shpallur në kërkim: V. S., 34 vjeç, banues në Kukës.
Ky shtetas ishte shpallur në kërkim nga Policia e Dibrës, pasi në bashkëpunim me persona të tjerë ( të cilët janë arrestuar më parë), kanë vjedhur nën kërcënimin e armës, një shumë parash në banesën e shtetasit I. H.
Për këtë shtetas Gjykata e Rrethit Gjyqësor Dibër ka caktuar masën e sigurisë “Arrest në burg”, për veprën penale “Përkrahje e autorit të krimit”, mbetur në tentativë.
Materialet procedurale i kaluan Prokurorisë Dibër për hetime të mëtejshme.
