Mbrëmjen e djeshme, në Gracen të Elbasanit, në segmentin që tashmë njihet si rruga e vjetër Elbasan-Tiranë është gjetur një automjet tip Peugeot 307, i djegur plotësisht.
Nga hetimet paraprake, dyshimet e policisë janë se ky automjet mund të jetë përdorur për aktivitet kriminal.
Nga ana e uniformave blu, ende nuk ka detaje sesi mund të ketë ndodhur që të jetë djegur mjeti me targa AA 352 TK.
Grupi hetimor po punon për zbardhjen e plotë të ngjarjes dhe identifikimin e përdoruesve të mjetit.
