Pavarësisht se ka njohur një përmirësim të ndjeshëm të situatë, Spanja vijon të jetë një ndër shtetet që shënon numrin më të madh të viktimave brenda një dite.
Sipas mediave vendase, në 24 orët e fundit në Spanjë janë shënuar 325 viktima, 24 më shumë se ditën e djeshme ku u regjistruan 301.
Kështu numri total i personave që kanë humbur jetën nga COVID-19 në Spanjë shkon në 24,275. Spanja mban vendin e tretë në botë për numrin më të madh të viktimave, pas Italisë dhe SHBA-ve.
Që nga shpërthimi i koronavirusit, Spanja ka regjistruar më shumë se 232 mijë raste infektimi. Deri më tani janë shëruar gjithsej 12,093 persona, teksa mbi 80 mijë raste vijojnë të jenë ende aktive.
Plani i qeverisë spanjollë për zbutjen e kufizimeve do të shtrihet në 4 faza dhe parashikon një rikthim në normalitetin e ri nga fundi i qershorit. Kryeministri Pedro Sanchez tha rajonet do t’i lehtësojnë masat me ritme të ndryshme, në varësitë ecurisë së pandemisë.
Më shumë se 3.1 milionë njerëz nga e gjithë bota janë prekur nga koronavirusi, ndërsa mbi 218 mijë persona kanë humbur jetën.
