Ministrja e Shëndetësisë Ogerta Manastirliu përmes një postimi në rrjetin social Facebook ka dhënë lajmin e mirë se një mjek dhe një infermier janë shëruar nga COVID-19.
Sipas ministres, numri i personave të shëruar nga koronavirusi në Shqipëri ka shkuar në 17.
Ata ndodhen në shtëpitë e tyre, ku do të vazhdojnë të jenë të vetëizoluar edhe për 14 ditë.
“Distancimi social dhe masat e higjienës janë THELBËSORE për të ndalur këtë armik të padukshëm”, shkruan Manastirliu.
Reagimi i plotë i saj: “Sot lajmi i mirë është shërimi i një mjeku dhe një infermieri mes 7 qytetarëve të konfirmuar me COVID-19, që sot rezultuan negativë në testet e rradhës??
Mes pacientëve të shtruar në spital dhe personelit shëndetësor e qytetarëve të vetëkarantinuar, shkon në 17 numri i personave që tashmë janë shëruar.
Të gjithë ndodhen në shtëpitë tyre, ku do të vazhdojnë të jenë të vetëizoluar edhe për 14 ditë.
Por nga ana tjetër, numri i qytetarëve të prekur po rritet dita-ditës. Po ashtu numri i qytetarëve që kanë nevojë për trajtim në spitale, ku deri tani janë 72 qytetarë të shtruar në spitalin infektiv.
LUTEMI qytetarë: Distancimi social dhe masat e higjienës janë THELBËSORE për të ndalur këtë armik të padukshëm❗️
#VETËMBashkëMundT’iaDalim??”.
