Erling Braut Haland,u bë i njohur për futbollin botëror në 30 majin e fitit të kaluar. Ai shënoi 9 gola në ndeshjen 12-0 kundër Hondurasit në Botërorin U-20. Nga ajo ditë dhe deri sot, e gjithë bota flet për të. Është i gjatë 1.94 metra, por koordinimi i lëvizjeve të tij është spektakolar dhe kjo e bën një lojtar të veçantë.
Ai nisi të shkëlqente me skuadrën e Salzburg në Austri duke tërhequr vëmendjen e shumë skuadrave të mëdha në Europë. Mes tyre ishte edhe Real Madrid, i cili në mënyrë befasuese vendosi që ta braktiste këtë pistë për të transferuar Luka Joviç për 60 milionë euro. Nuk besonin shumë te Haland dhe i trembeshin faktit që mund të ishte thjesht një zbulim që do të zgjaste pak kohë.
Por talenti norvegjez u transferua te Borussia Dortmund për 20 milionë euro dhe 23 të tjera komisione për babanë dhe agjentin e tij. Që në ndeshjet e para, norvegjezi i dha të drejtë skuadrës gjermane. Që në debutim shënoi 3 gola duke u futur në fushën e lojës në minutën e 57-të. Nga ajo sfidë dhe deri tani, nuk është ndalur kurrë. Ai ka shënuar 12 gola në 11 ndeshje, 40 në total në 33 sfida duke llogaritur edhe ato të Salzburg gjatë këtij sezoni.
Nuk ka asnjë problem që mund ta pengojë transferimin e tij te Reali, duke qenë se UEFA i lejon lojtarët të luajnë në Champions League me dy skuadra të ndryshme. Haland është një nga lojtarët e vetëm që bind drejtuesit, sepse të tjerët si Lewandowski dhe Cavani janë në moshë të madhe, Kane është i shtrenjtë, Icardi mbetet në një situatë të pakuptueshme dhe për Lautaron duhet një luftë e madhe me Barcelonën.
Kjo do të thotë se të gjitha rrugët e çojnë Realin te Haland. Për më tepër, Mino Raiola përpara disa ditësh tha se do t’i çonte Realit një lojtar të madh. Ndoshta është Haland. Mbetet për tu parë.