Tirana dhe Durrësi janë zgjuar bosh sot, pas vendimit të qeverisë për të bllokuar qarkullimin e makinave deri në fund të fundjavës.
Mirëpo jo të gjithë duket se e kanë respektuar këtë urdhër. Policia e Durrësit ka shoqëruar 5 qytetarë sot pasi nuk respektuan masën e ndërmarrë.
Policia e Durrësit njofton se do merren masa ndëshkuese për këdo që del me makinë. Veç ambulancave dhe makinave shtetërore nuk do të lejohet asnjë mjet privat në rrugë.
Kryeministri Edi Rama lajmëroi dje se ky vendim është marrë si masë për të frenuar përhapjen e koronavirus. Deri më tani janë shënuar 23 raste me koronavirus në Shqipëri.
