Edi Rama ka mbajtur mëngjesin e sotëm një mbledhje të jashtëzakonshme, në lidhje me rastet e konfirmuara me koronavirus në Shqipëri.
Gjatë fjalës së tij në mbledhje, Rama njoftoi se janë pezulluar fluturimet direkte nga Veriu i Italisë dhe me të gjitha zonat e kuqe deri në datën 3 prill.
Gjithashtu ai bëri me dije se edhe institucionet arsimore do të mbyllen, për dy javët e ardhshme.
“Masat e sotme, gjithnjë në ndjekje të protokollit të përcaktuar janë pezullimi i fluturimeve direkte nga Veriu i Italisë dhe me të gjitha zonat e kuqe deri në datën 3 prill, mbyllja e institucioneve arsimore për 2 javë për të ndaluar përhapjen e pastaj vlerësimi më tej.
Të mbyllim të gjitha institucionet arsimore dhe të mbyllim të gjitha grumbullimet masive kulturore arsimore dëgjesave publike deri më datën 3 prill, për të parë dinamikën e këtij zhvillimi e për të vendosur për më tutje”, tha ai.
