Iraku ka konfirmuar sot 2 viktimat e para të shkaktuara nga koronavirusi.
Lajmi u bë i ditur nga ministria e Shëndetësisë së Irakut, e cila njoftoi se humbën jetën një grua me sistem të dobët imunitar dhe një burrë që vuante nga një sëmundje kronike.
Gjithashtu ka pasur raportime edhe për vdekjen e një kleriku 70-vjeçar në rajonin kurd të Sulejmanias, por ky informacion nuk është zyrtarizuar akoma.
Zyrtarët kurdë pohuan se vdekja e tij ka ardhur nga koronavirusi, por ministria e Shëndetësisë deklaroi se kjo gjë nuk është konfirmuar ende.
Deri më tani, sipas statistikave të nxjerra nga OBSH, në Irak janë evidentuar 34 raste me koronavirus.
