Gjendja jo e mirë shëndetësore e Papa Françeskut ka bërë që shumë njerëz të shqetësohen për të, madje edhe duke dyshuar se ai mund të ishte prekur nga koronavirusi.
Mirëpo sipas medias italiane, Il Messagero Papa i është nënshtruar testit për koronavirusin dhe përgjigjet kanë dalë negative.
Kujtojmë se vetëm pak ditë më parë ai anuloi për herë të parë pjesëmarrjen gjatë Kreshmës së Madhe në papatin e tij, për shkak se ishte me ftohje. Madje ai u pa edhe në publik teksa kollitej.
Papa Françesku ka rezultuar i pastër nga virusi vdekjeprurës, ndërsa zëdhënësi i Vatikanit Matteo Bruni nuk dha asnjë koment mbi raportin.
