Përkeqësohet situata nga koronavirusi në Itali. Mediat italiane shkruajnë se vetëm në 24 orët e fundit janë shënuar 18 viktima në vend, ku 15 prej tyre janë në Lombardi dhe 3 në Emilia Romagna.
Numri total i viktimave në shtetin fqinj ka shkuar në 52, ndërsa më shumë se 1800 persona janë infektuar nga virusi vdekjeprurës.
Ndërkohë, lajmi i mirë është se është rritur në mënyrë të konsiderueshme numri i pacientëve të shëruar. Bëhet me dije se 149 persona kanë arritur të shërohen nga koronavirusi.
