Lidhur me arrestimin e botuesit Henri Çili ditën e djeshme, pas Partisë Demokratike ka ardhur edhe reagimi i LSI-së. Është numri 2 i LSI-së, Petrit Vasili, ku me anë të një statusi në Facebook teksa liston emrat e zyrtarëve të lartë të dalë në përgjime, ai citon se pavarësisht fakteve, ‘horrat e qeverisë’ nuk arrestohen.
Ai e nis me deputetët e dalë në përgjimet e Prokurorisë që blejnë votat, por nuk arrestohen. Më pas cek emrin e ministres Gjonaj, ku bashkë me persona të tjerë të Ministrisë së Drejtësisë, falsifikojnë e mashtrojnë për të rrëmbyer Gjykatën Kushtetuese, por nuk arrestohen.
Po sipas tij, kur del nga përgjimet e Prokurorisë Vangjush Dako që bëhet njësh me kriminelë, nuk arrestohet. Teksa përmend një sërë emrash, ai kërkon nga ana e qytetarëve që në datën 2 mars të dalin të gjithë në Bulevard, për të protestuar për drejtësinë e barabartë për të gjithë.
Statusi
Horrat e qeverise nuk arrestohen, ndersa Çili po!
Kur Edi Rama, Gjiknuri e deputete dalin sheshit ne pergjimet e prokurorise qe kryejne krimin e blerjes votave me furgone te mbushur me horra nuk arrestohen.
Kur Etilda Gjonaj bashke banden e ministrise drejtesise falsifikojne e mashtrojne per te rrembyer Gjykaten Kushtetuese, duke konsumuar vepra penale pa fund nuk arrestohen
Kur del nga pergjimet e prokurorise Vangjush Dako qe behet njësh me kriminele nuk arrestohet.
Kur del sheshit korrupsioni i ministrave tek Unaza e re qe shkon gjer ne Amerike nuk arrestohen.
Kur falsifikon e mashtron Dvorani per te rrembyer Gjykaten Kushtetuese nuk arrestohet.
Arrestohet Henri Çili se nuk duhet te arrestohen kurrsesi keta.
Ne 2 mars te gjithe ne bulevard per drejtesine e barabarte per te gjithe.
