Mjeku Edvin Prifti, në emisionin “Tempora”, tha se koronavirusi po merr përmasat e SARS-it të vitit 2003. Numri i viktimave nga koronavirusi në Kinë e kanë kapërcyer epideminë e rëndë të sindromës akute të frymëmarrjes në 2003, SARS.
“Është një gjë shumë interesante që ju duhet ta dini, që ka ndodhur në 2-3 ditët e fundit. Nga koronavirus u quajt COVID 19 dhe në 48 orët e fundit është quajtur SARS cov 2. SARS është epidemia e vitit 2003, dhe mesa duket në bazë të gjithë të dhënave klinike, ky është një virus që shkon drejt atij që është i tipit të SARS-it. Nga pikëpamja terminologjike shkencore, fillon të përdoret në literaturë quhet SARS cov 2”.
Mjeku është i mendimit se edhe kjo gjendje do të përballohet, ndaj kërkoi që mos krijohet panik. Ai iu drejtua qytetarëve që të jenë vigjilentë, dhe koronavirusit ti jepet rëndësia e duhur. “Nuk duhet ta na shtyjë drejt frikës dhe panikut, por duhet të na mbajë nën tension për tu përballur, sepse edhe konotacioni fillon ndryshon dhe në këtë këndvështrim është e rëndësishme që SARS cov 2 ti jepet një rëndësi e duhur”.
