Kryeministri Edi Rama ka përzgjedhur fjalët e shkrimtarit gjerman Tomas Man, duke dhënë një mesazh shumë aktual për situatën të cilën po përjeton vendi.
“Shumë njerëz marrin rrugën e shtrembër kundër vullnetit të tyre, vetëm e vetëm, sepse rruga e drejtë për ta nuk ekziston”, ka shkruar kryeministri në Facebook.
Dy ditë më parë, presidenti Meta ftoi qytetarët që pasditen e 2 marsit t’i bashkohen në një protestë në bulevardin “Dëshmorët e Kombit” kundër qeverisë dhe kryeministrit Edi Rama, ndërsa nuk zbuloi më shumë detaje për veprimet që ka ndërmend të ndërmarrë.
E ndërsa dje, Meta doli në një tjetër konferencë për shtyp, ku tregoi qartë se Presidenca është kthyer në një institucion gallate, dhe të gjithë ata që janë rrotull tij, janë bërë si ai. Meta dje nxori këshilltarin e tij ligjor për të treguar “faktet përvëluese” mbi shkeljen e ligjit për Gjykatën Kushtetuese.
