Ambasadori i BE-së në Tiranë, Luigi Soreca ka komentuar ligjin anti-KÇK dhe aksionet e ndërmarra së fundmi nga Operacioni Forca e Ligjit.
Gjatë fjalës së tij nga takimi në Vlorë, Soreca u shpreh se parimi “ndiq paranë”, është mënyra më e mirë për të luftuar krimin e organizuar.
Ai shtoi se është shumë e rëndësishme të shihet se si do të zbatohet ky ligj. Soreca shtoi se kjo platformë duhet ndjekur edhe nga SPAK, teksa deklaroi se javën e ardhshme do të takohet me udhëheqësit e SPAK.
“Për sa i përket operacionit forcat e ligjit ne kemi bërë dhe më parë një deklaratë, dhe ne besojmë se parimi “ndiq paranë” është mënyra më e mirë për tu adresuar drejtë këtyre personave, dhe tregon vullnetin politik për ta trajtuar këtë problem. Megjithatë mënyra sesi do zbatohet ky ligj është shumë e rëndësishme dhe ne po e ndjekim nga afër aplikimin e këtij ligji.
Është shumë e rëndësishme që kjo strukturë e re të ndjek natyrisht parimet qe kane te bëjnë me sundimin e ligjit por dhe me sundimin e të drejtave të njeriut, si dhe shume e rëndësishme qe kjo platforme te ndiqet nga SPAK. Jam ne kontakt te përgjithshëm me ministrin e brendshëm dhe javën qe vjen do takohem me udhëheqësit e SPAK”, tha ai.
