Shtatë deputetë nga grupi i ri parlamentar i kanë kërkuar kreut të Kuvendit, Gramoz Ruçi interpelancë urgjente me ministren e Drejtësisë, Etilda Gjonaj.
Lefter Maliqi, Artur Roshi, Ramazan Gjuzi, Besnik Troplini, Suzana Topi, Koço Tahiri dhe Andi Përmeti kërkojnë sqarime për gjashtë çështjet e mëposhtme:
- Situatën e rënduar në burgje, lidhur me administratën dhe të burgosurit.
- Shkeljet e bëra gjatë emërimeve, lirimeve dhe transferimeve të tyre.
- Mosrespektimi i të drejtave të të burgosurve gjatë lejeve dhe transperimit të tyre.
- Rasti i shkarkimit të jashtëligjshëm të drejtorit të Policisë së Burgjeve dhe drejtorit të IEVP-së së Peqinit etj., ku u konstatuan këto shkelje për këto masa ekstreme.
- Lirimeve, propozimet që janë kompetenca juaj, mbi ç’baza i keni bërë? I keni parë dosjet e tyre para se t’i emëronit apo t’i prezantonit?
- Si edhe çështje të tjera që kanë të bëjnë me sigurinë në burgje dhe drejtimin e këtij institucioni.
